Со 1,70 промили алкохол во крвта предизвикал сообраќајка во Струга, приведен 65-годишен охриѓанец

Шеесет и петгодишен жител на Охрид е лишен од слобода откако под дејство на алкохол предизвикал сообраќајна несреќа во Струга.

— реклама —

Според Министерството за внатрешни работи, на 27 јули околу 21:15 часот на улицата „Туристичка“ во Струга, полициски службеници од ОВР Струга го привеле Д.Т. (65) од Охрид. Тој, управувајќи патничко возило „Фолксваген Пасат“ со охридски регистарски ознаки, удрил во патничко возило „Ауди“ со струшки регистарски ознаки, управувано од К.Б. (59) од Струга.

— реклама —

— реклама —

По извршените проверки, полицијата утврдила дека Д.Т. управувал со 1,70 промили алкохол во крвта, по што веднаш бил исклучен од сообраќај.

— реклама —

По целосното документирање на случајот, против него ќе бидат поднесени соодветни кривични пријави.