Со 204 километри на час „летал“ по автопатот кај Смоквица, уапсен 29-годишник

Дваесет и деветгодишен жител на Гевгелија е лишен од слобода откако бил затекнат како управува автомобил со брзина од 204 километри на час на делница каде што максимално дозволената брзина е 120 километри на час.

— реклама —

Како што информира Министерството за внатрешни работи, на 29 јули во 21:26 часот, на автопатот А1 кај клучката Смоквица, полициски службеници од ОВР Гевгелија при СВР Струмица, при контрола со радар го запреле Ж.Д. (29) од Гевгелија, кој управувал патничко возило „БМВ“ со гевгелиски регистарски ознаки.

— реклама —

— реклама —

По констатираниот прекршок, возачот бил исклучен од сообраќај и лишен од слобода, а за случајот бил известен јавен обвинител од Основното јавно обвинителство во Гевгелија.

— реклама —

По целосното документирање на настанот, против него ќе биде поднесена соодветна пријава за кривичното дело „безобѕирно управување со моторно возило“ по член 297-а од Кривичниот законик.