Одделението за прекуграничен криминал, миграции, странци и реадмисија Куманово поднесе кривична пријава против С.С.Ф. (50) од Германија, К.С. (44) од Србија и Х.Ф.А. (48) од Косово поради сомнение дека сториле кривично дело „фалсификување исправа“, соопшти Министерството за внатрешни работи.
Според МВР, на 18 јули на Граничниот премин Табановце, при влез во Македонија, тројцата пријавени на граничната контрола приложиле фалсификувани возачки дозволи.
Станува збор за фалсификувана хрватска, германска и турска возачка дозвола.
По преземените мерки и активности, против тројцата странски државјани се поднесени соодветни кривични пријави.
