„Со реконструкцијата на Владата се слуша гласот на граѓаните, нов владин состав за поголема ефикасност и резултати во интерес на граѓаните“, вели ВМРО-ДПМНЕ

ВМРО-ДПМНЕ преку соопштение соопшти дека реконструкцијата на Владата претставува одговор на барањата на граѓаните за поефикасни институции, побрзи реформи и поголема отчетност во работењето.

— реклама —

Според партијата, промените во владиниот состав се направени по анализа на досегашните резултати и со цел да се обезбеди уште поефикасно функционирање на институциите во интерес на граѓаните.

Во новиот владин состав, Сашо Клековски е предложен за министер за здравство, додека Министерството за социјална политика ќе го преземе досегашниот заменик-министер Ѓоко Велковски.

— реклама —

На местото на Клековски во Фондот за здравствено осигурување е најавено дека за директор ќе биде назначен Златко Перински. За министер за локална самоуправа е предложен Иван Стоилковиќ, а Ерџан Демир ќе ја извршува функцијата министер без ресор, задолжен за интеграција и имплементација на Стратегијата за инклузија на Ромите.

— реклама —

Од ВМРО-ДПМНЕ посочуваат дека приоритетите на Владата остануваат економскиот развој, подобрувањето на животниот стандард, владеењето на правото, борбата против корупцијата и градењето ефикасни институции.

„Новиот владин состав ќе продолжи со засилено темпо да ги реализира започнатите проекти и реформски процеси, со фокус на конкретни резултати, отчетност и исполнување на ветувањата“, наведуваат од партијата.

— реклама —

Во соопштението се додава дека Владата останува целосно посветена на политики кои, како што велат, ќе обезбедат подобар животен стандард, стабилност и сигурна иднина за граѓаните.