Состојба со пожарите: 26 изгаснати, еден под контрола, активни нема

До 07:30 часот денеска на територијата на државата се регистрирани вкупно 27 пожари на отворен простор, информира Центарот за управување со кризи.

— реклама —

Според последните информации, активни пожари нема, 26 пожари се целосно изгаснати, додека еден пожар е ставен под контрола.

Пожарот кој е под контрола е регистриран на депонијата во Делчево.

— реклама —

Во текот на изминатото деноноќие интервенции имало во повеќе општини низ државата. Горела ниска вегетација, грмушки, стрништа, отпад, депонии, а на неколку места биле зафатени и нискостеблеста и деградирана шума.

— реклама —

Пожари биле регистрирани во Петровец, Карпош, Бутел, Гостивар, Тетово, Василево, Кичево, Могила, Прилеп, Струмица, Македонски Брод, Карбинци, Врапчиште, Сарај, Кисела Вода, Арачиново, Илинден, Центар Жупа, Боговиње, Новаци и Долнени.

Најголем дел од пожарите се однесувале на ниска вегетација и стрништа, а дел биле регистрирани и на депонии или места со отпад.

— реклама —

Од ЦУК засега немаат регистрирано активен пожар на отворен простор на територијата на државата.