Француската фудбалска репрезентација го победи Мароко со 2:0 и се пласира во полуфиналето на Светското првенство, каде што ќе игра против победникот од вечерашниот дуел меѓу Шпанија и Белгија.
„Триколорите“ до победата стигнаа со головите на Килијан Мбапе и Осман Дембеле, а натпреварот го решија доволно рано за селекторот Дидие Дешан да им даде шанса и на фудбалерите што имаа помала минутажа на турнирот.
Иако Франција без поголеми проблеми ја мина четвртфиналната пречка, шпанскиот весник „Марка“ оцени дека актуелниот светски шампион не изгледа непобедливо. Под насловот „Добра вест за Шпанија, Франција не доминира“, весникот наведува дека Французите покажале одредени слабости, а Мароко не го пружил очекуваниот отпор.
Шпанските медиуми веќе го насочуваат вниманието кон можен полуфинален дуел меѓу Франција и Шпанија, иако „црвената фурија“ допрва треба да го одигра четвртфиналниот натпревар против Белгија.
