Специјализантите по медицина со рок до 10 август да го пријават интересот за вработување

Министерството за здравство упати јавен повик до сите специјализанти по медицина да го пријават својот интерес за вработување во јавните здравствени установи.

— реклама —

Како што информираат од Министерството, целта е да се добијат информации за областите на специјализација и моменталниот статус на вработување, со што ќе се овозможи подобро и навремено планирање на потребниот специјалистички кадар во здравствениот систем.

— реклама —

Заинтересираните специјализанти треба да ги пополнат бараните податоци во електронскиот формулар и да приложат кратка биографија (CV).

— реклама —

Рокот за доставување на податоците е до 10 август 2026 година.

— реклама —

Од Министерството истакнуваат дека учеството во оваа евиденција ќе придонесе за зајакнување на медицинскиот кадар и за поефикасно планирање на човечките ресурси во јавното здравство.