Српскиот државјанин Д.П. од Чачак, кој во Македонија плати казна од 3.000 евра затоа што двапати бил фатен како вози со повеќе од двојно поголема брзина од дозволената, раскажал за своето искуство при враќањето од Грција за српски медиум, кој неговиот прекршок го нарече „бизарна грешка“.
Тој за српските медиуми изјавил дека со своите две малолетни деца прво околу четири часа чекал на граничниот премин Евзони–Богородица, а потоа на Табановце бил задржан уште седум часа поради претходните прекршоци.
„Откако поминав низ пекол на преминот Евзони–Богородица, бидејќи со децата чекав со часови, уште поголем пекол ме дочека на Табановце. Поради двете пречекорувања ме задржаа уште седум часа, а со мене беа и двете малолетни деца“, раскажал Д.П.
Според него, постапката дополнително се одолжила бидејќи службениците не знаеле веднаш како да постапат во неговиот случај. Биле повикани службеници од Центарот за социјална работа од Неготино, кои пристигнале околу 3 часот по полноќ. Потоа тој и децата биле упатени во хотел.
Следниот ден, иако било недела, му било закажано судење пред дежурен судија, кој му изрекол казна од 1.500 евра, која, според неговото сведоштво, морал веднаш да ја плати.
Д.П. признава дека направил прекршок, но вели дека неговото искуство треба да биде предупредување за другите возачи од Србија.
„Радарите кај Демир Капија двапати ме снимија како возам двојно побрзо од дозволеното. Казната ја платив бидејќи сум свесен за направениот прекршок и навистина поминав низ пекол. Затоа сакам да ги предупредам сите возачи кои патуваат низ Македонија строго да внимаваат на ограничувањата“, изјавил тој.
Според Д.П., само на двата гранични премини со децата поминал повеќе од 10 часа, без да се сметаат враќањето до Неготино, ноќевањето и чекањето за судењето.
Српските медиуми двојната брзина ја нарекоа „бизарна грешка“, додека процесот кој го поминал Србинот „пекол“.
Претходно, Основното јавно обвинителство Кавадарци соопшти дека Д.П. ќе плати вкупно 3.000 евра, односно две казни од по 1.500 евра за кривичното дело „безобѕирно управување со моторно возило“.
На 22 јули кај Демир Капија тој бил регистриран како вози со 163 километри на час, а на 20 август на истата делница повторно возел со 169 километри на час. Во двата случаи ограничувањето било 80 километри на час.
Српски државјанин казнет со 3.000 евра: Двапати возел повеќе од двојно над дозволеното
Српски државјанин ќе плати вкупно 3.000 евра откако во два наврати бил фатен како вози со повеќе од двојно поголема брзина од дозволената на автопатот А1, соопшти Основното јавно обвинителство Кавадарци.Станува збор за 34-годишниот Д.П., кому му биле изречени две парични казни од по 1.500 евра за кривичното дело „безобѕирно управување со моторно возило“.Тој бил приведен на 29 август во 23:20 часот на граничниот премин Табановце, при обид да ја напушти земјата. При проверката на возило „шкода“ со
Македонија | пред 1 ден
