„Стана обесправен Бугарин откако го осудија и пребега“: Адвокатот Јанаки жестоко за Симеон Михаилов, обвинет во случајот „Детонатор“ и татко на Ива Михаилова

Адвокатот Јанаки Митровски го коментираше случајот со Ива Михаилова, поставувајќи прашања за нејзиниот татко, Симеон Михаилов, и неговото минато, како и за тврдењата за етнички прогон и дискриминација.

— реклама —

„Дали Симеон Михаилов, таткото на Ива Михаилова, се жалеше на етнички прогон кога го гонеа за „Детонатор“ пред 12-13 години? Не! Дали тогаш беше благонадежен и обесправен Бугарин? Не! Стана откако го осудија и пребега. А жртвата исто со бугарски пасош. И? Каде е дискриминацијата?“, напиша Митровски.

— реклама —

Тој направи паралела и со случајот на Пендиков, наведувајќи дека и кај него, според неговиот коментар, националното самоопределување дошло до израз по кривична постапка. Митровски посочи дека при претрес во неговиот дом бил пронајден кокаин, за кој оцени дека станувало збор за количество за лична употреба, и додаде дека претходно Пендиков веел знамиња на Обединета Македонија.

Адвокатот го спомена и Ване Цветанов, тврдејќи дека тој се самопрогласил за жртва откако против него бил отворен предмет за злоупотреби, по што пребегал, а подоцна се вратил по измените на Кривичниот законик.

— реклама —

„Така и оваа прикаска ќе заврши за три дена, ниту „Европејскија Сојуз“ ќе се засекира ниту бутур“, наведе Митровски.

Во објавата тој се осврна и на случајот со Спаска Митрова, посочувајќи дека станува збор за еден од првите случаи поврзани со тврдења за обесправени Бугари. Според него, во 2016 година Европскиот суд за човекови права во Стразбур пресудил дека не ѝ било повредено ниту едно право загарантирано со Европската конвенција за човекови права.