јанаки митровски

Адвокатот Јанаки Митревски: „Не е победа на Јанкулоска, туку вообичаена процедура во Стразбур“

Станува збор за вообичаена постапка на Европскиот суд за човекови права, а не за некаква победа, појасни адвокатот Јанаки Митровски во објава на ФБ, откако вчера поранешната министерка за внатрешни работи, Гордана Јанкуловска објави дека Судот во Стразбур отворил сериозни прашања во врска со предметот „Тенк“, за кој таа е осудена на затворска казна. Митровски потенцира дека вакви прашања Судот редовно испраќа како дел од стандардната процедура и дека тоа не значи победа на Јанкуловска.Цел ден се шири лажен пропаганден наратив небаре е одлучено по апликацијата на Гордана Јанкуловска по предметот Тенк. Па те Стразбур ја строел Македонија и минатата Влада, отворил сериозни прашања за македонското судство и останати манипулации. Вистината е следна:- Секогаш кога се поднесува апликација првично ја разгледува судија поединец кој може да ја отфрли на старт како недопуштена или да го помине овој прв филтер ако не е очигледно неоснована. Внимавајте судот во прв филтер прифатил дека апликацијата не е очигледно неоснована, што не е исто што и основана.-Во следна фаза, која е токму оваа, Судот комуницира со Владата и поставува прашања на кои очекува одговор и кои се во насока на утврдување на битни факти за конечна одлука. Ова е ВООБИЧАЕНО во СИТЕ апикации кои го минале првиот филтер, и не претставува никаков огромен успех на апликантот како што се обидува да се претстави. Најнормалана комуникација меѓу судот и странките.-Дури потоа предметот оди на одлучување, или пред стандарден Совет од седум судии или пред Голем судски совет од седумнаесет судии доколку се работи за прашање за кое Судот смета дека е особено важно во насока на заштита на правата од Конвенција.Да бидеме јасни, сите прашања упатени до Владата се легитимни, и темпото со кое е судена Јанкуловска, и пристапот до доказите, правото на одбрана итн. Но претставување на оваа, ВООБИЧАЕНА фаза од процесот како "голема победа на Јанкуловска" е едноставно лага!

Македонија | пред 3 седмици

Адвокатот Митровски за двојното убиство во Кратово: Пред убиството Вале јадела редовна порција ќотек

Се огласи адвокатот Јанаки Митровски за убиството во Кратово, каде жена го уби сопругит и свекрвата.,,Последниот маритицид во Кратово е доказ за системската слабост во заштита на жените жртви на семејно насилство. Сопругот неколку пати пријавуван, еднаш или два пати осуден и никому ништо. ОЈО Куманово со цел памет покренува постапка за двојно убиство со умисла кое носи потенцијална казна доживотен затвор, игнорирајки го сопственото соопштение каде јасно стои дека непосредно пред убиството Вале јадела редовна порција ќотек. Подеднакво се виновни и ЦСР, суд и полиција кои не пружиле соодветна заштита.Прво нешто што треба новиот министер да стори од наредна недела е да направи длабок рез во Центрите за социјана работа, а МВР богами и да поапси некој. Во меѓувреме во паланкава во која живееме има и такви кои пропагираат дека убиството не било решение и дека жртвата едноставно требала да си замине.Во мојата веќе петнаесетгодишна кариера научив да презирам две категории "мажи": такви што си ги тепаат жените и тие што избегнуваат алиментација или се ценкаат за истата. Се сте освен мажи!”, напиша Митровски.

Македонија | пред 1 година

Обвинителство не смеело да даде наредба да се вештачи на Електро, нити Електро смеело да вештачи поради конфликт на интереси, вели Митровски

Во документарецот на ИРЛ за модуларната болница во Тетово беше објавено дека и покрај тоа што имало три вештачења, обвинителството побарало и четврто кое го изработил Факултетот за електротехника и информациски технологии.Адвокатот Јанаки Митровски вели дека Обвинителството не смеело да даде ваква наредба оти Кочо Анѓушев е профеор на овој факултет.„Три вештачења кои утврдуваат одговорност кај изведувачот обвинителство ги игнорира, нарачува четврто пази на Електро каде Кочо е професор и види чудо вештачењето не вели нема вина туку дека е градено согласно спецификација, а спецификацијата ја прави мадам Вања која потоа се запослува кај Кочо!!!Нити обвинителство смеело да даде наредба да се вештачи на Електро, нити Електро смеело да вештачи поради очигледен конфликт на интереси. Апс за Љубомир Јовевски!!!#УбиствоВоТетово #АпсЗаЈовевски“, вели Митровски.обвинителство смеело да даде наредба да се вештачи на Електро, нити Електро смеело да вештачи поради очигледен конфликт на интереси

Коментари | пред 2 години

Митровски: Поради алчност да се поткраде што е можно повеќе модуларните болници се градени фушерајски со евтин лесно запалив материјал

Како биле градени модуларните болници низ Македонија, од кои и тетовската која изгоре до темел сосе 14 пациенти, истражуваше ИРЛ. Документарецот го опфаќа спроведувањето на тендерот од Министерството за локална самоуправа, кое поради неправилности го поништува. Го следи објавувањето на нов тендер со иста спеицифкација од Министерството за здравство, но и лицето кое ја правело техничката спецификација.Во врска со овј документарец на социјалните мрежи се огласи адвокатот Јанаки Митровски.„Сумирано поради алчност да се поткраде што е можно повеќе модуларните болници се градени фушерајски со евтин лесно запалив материјал. Лесна им земја на 14 наши сограѓани, правда нивните семејства за жал нема да видат!!!!П.С. Републичкиот обвинител наместо да биде итно разрешен бесрамно чека да го изберат во Уставен за со Кацарска и Васиќ да го доокупираат Уставен под диктат на власта“, стои во објавата.

Коментари | пред 2 години

Пресудата е шок за семејството и сол на рана, кај обвинетиот немаше никакво каење, никаква емоција, вели Митровски

Наместо 18 години затвор, велешанецот Ангелчо Николов, кој ја прегази 11-годишната Магдалена Иванова и ја усмрти, ќе треба да издржи осум години затвор, одлучи скопска Апелација. Второстепените судии му ја намалија казната за десет години. Пресудата на Апелација е донесена по пет месеци од изрекувањето на првостепената бидејќи Николов издржува притвор поради опасност од бегство, кој му беше изречен сѐ до правосилност.Во врска со ова на социјалните мрежи се огласи адвокатот Јанаки Митровски.„Не знам како да реагирам на намалената казна за Ангел Николов од 18 на 8 години. И двете казни се во рамки на предвидената казна(е ај да не бидат) но пресудата е шок за семејството и сол на рана.Образложението е релативно оскудно, Апелација се држи на тоа дека е неосудуван, признал вина и ја забрзал постапката, изразил каење и ветил дека нема да се повтори.Судот е должен да цени признание на вина но каење е предмет на проценка. На очиглед на сите иако вербално искажано, кај обвинетиот немаше никакво каење, никаква емоција. Неговото ветување дека нема да го повтори делото пак малку што му значи на семејството. Лесна и земја на Магдалена. Пред некој ден загина млад човек чекајќи на пешачки и остави бебе сирак зад него. Сообраќајната култура во Македонија е на нула, возачки се земаат на жими мајка а државата игра улога исклучиво на пенализатор никако на едукатор и затоа сме каде сме. Господ нека ни е на помош“, стои во објавата.

Коментари | пред 2 години

Митровски: Обезбедени се потребните пратеници за да се изгласа законот за амнестија за осудените за 27 април

Обезбедени се 48 пратеници, а за да помине Законот во Собрание потребни се 41 пратеник, објасни во вчерашната епизода на Тешки муабети адвокатот Јанаки Митровски, во врска со иницијативата за амнестија на лицата осудени во 27 април и групата која го тепаше Зијадин Села.Законот е конципиран да не задира во нивното право, ако до мај се изгласа тоа не го спречува правото на осудените да си го продолжат нивното право пред Врховен суд, ама ќе се бранат од слобода.Мислам сека и притисокот на јавноста си го направи своето, ВМРО-ДПМНЕ даде партија, ВМРО-НП, Демократски сојуз. СДСМ кажа дека дополнително ќе го граделе тој став, а поддршка даде и Левица, нивнивте два пратеници потребни се.За да се изгласа тој Закон потребни се 41 пратеник, треба да има 1 присутен во сала, таа поддршка од 41 постои, е сега треба да видиме на волјата на Собранието кога ќе го стави на дневен ред.Ние се обидуваме да направиме и контакт со некоја од албанските партии за да изградиме консензус, објасни Митровски.

Македонија | пред 2 години

Митровски бара да одговараат совозачите и оние кои го криеја пијаниот возач прегази дете во Велес

Денеска ОЈО Велес поднесе обвинителен акт против 30-годишниот пијан возач кој усмти девојче пред очите на неговата мајка, која беше тешко повредена во сообраќајната незгода која се случи во Велес.Оттука, адвокатот од Скопје, Јанаки Митровски, кој го застапува оштетеното семејство, преку социјалните мрежи не го криеше разочарувањето од одлуката на Основното јавно обвинителство Велес. Тој бара кривично да одговараат и совозачите, но и мештаните кои два дена го криеле возачот.„Како правен застапник на семејството на починатата единаесетгодишна Магдалена од Велес која беше прегазена на пешачки премин при што причинителот избега, ја искажувам мојата и разочараноста на семејството од одлуката на ОЈО Велес да не покрене постапка за кривично дело Помагање против тројцата совозачи на сторителот, како и против селаните кои го криеле сторителот. Воедно брзината од 68 километри на час која е утврдена со вешт наод и мислење за нас е дискутабилна бидејки родителите се сведоци дека сторителот возел со брзина од над 100 километри на час во зона во која е дозволено 30 километри на час“, вели Митровски.

Македонија | пред 2 години

Адвокатот Јанаки прашува дали на гробот на Гоце Делчев ќе има бугарска полиција?!

Има непотврдена информација дека наводно ќе биде дозволено присуство на бугарска полиција демек да ги штити провокаториве, пишува на Фејсбук адвокатот Јанаки Митровски.„Доколку ова се испостави како точно, да се посипеме со пепел бидејки тоа би било отворено признание дека држава немаме и остварување на нивниот влажен сон-враќање на бугарската чизма во Македонија.Јас и мојот пријател, брат и соборец Dragan Pesevski ќе бидеме присутни на позиција и НЕ МРДАМЕ!Колумна на адвокат Јанаки Митровски, дел од серијалот Разумен сомнеж, fokus.mk“, стои во објавата.

Коментари | пред 2 години

Митровски: Доктор Менгеле и извади пола органи на родилката од Дебар, лабаво си доби условна и Лекарска комора не му ја зема лиценцата

Условна казна му е изречена на гинекологот Мухамед Асани, затоа што во нелегална ординација во неговата куќа, давал здравствени услуги, а меѓу клиентите беше и родилката Јалдз Веапоска, која подоцна остана без органи.Оваа одлука на социјалните мрежи ја искоментира адвокатот Јанаки Митровски.„Доктор Менгеле од Струга што и извади пола органи на родилката од Дебар, и покрај тоа што не призна вина и си тераше постапка, денес лабаво си доби условна.А да, и Лекарска комора не му ја зема лиценцата, не гледаат луѓето ништо спорно.Пак ќе си тера лекар бидејки не видов со пресудава да му се забранува да врши дејност“, вели Митровски.

Коментари | пред 2 години

Јанаки до Мицкоски: Зошто не ја поддржиш иницијативата за амнестија на уставобранителите – да не те караат од амбасада

Јанаки Миторвски преку социјалните мрежи му се обрати на лидерот на ВМРО-ДПМНЕ, Христијан Мицкоски во врска со амнестијата за уставобранителите.„Тие луѓе се обвинети за нешто што не го сториле. Тие луѓе бараат правда, не бараат амнестија, не бараат милост. Од тоа што јас сум информиран предметот е пред Врховниот суд и Јавното обвинителство доставило свое мислење и Врховен треба да одлучува и треба час поскоро да одлучи да го врати во прв степен, бидејќи тие се се, само не терористи,-Христијан Мицкоски – претседател на ВМРО-ДПМНЕ.Прво дека Врховен суд се додека е СДСМ на власт а тоа се уште две години, никогаш нема да пресуди во корист на осудените и тоа го знаеме СИТЕ сем во ДПМНЕ. Второ дури и тоа да се случи, а нема, носење на Закон за амнестија во мај-јуни ама баш со ништо нема тоа да го спречи напротив би го чекале евентуалмото повторено судење од слобода и НЕ, не значи амнестија никакво признавање на вина.ДПМНЕ игра ни риба ни девојка по сите важни прашања и затоа шеста годин ан не можат да срушат катастрофална власт.П.С. НИТУ ЕДЕН од бројните портали на ДПМНЕ не информира за иницијативава. Се ми е мене кристално јасно, се плашите да не ви се налутат амбасадорите“, вели Јанаки Митровски.

Коментари | пред 2 години

Тале од Велес му се јавил на Јанаки по изјавата дека сака да го гони за измама

Адвокатот Јанаки Митровски најави тужба за измама за велешанецот Тале Витанов кој е во фокусот на јавноста поради тоа што лажно се претстави во емисијата „Срце на дланка“, па се собираа донации за да му се помогне.-Преварантов од Велес би да го гонам за измама. Ако има заинтересирани кои донирале пишете ми, објави Митровски на Фејсбук.За краток период во коментари доби поддршка, но и луѓе кои бараат одговорност и од новинарите на самата емисија.По неколку часа, на Фејсбук повторно се огласи адвокатот Митровски.„И со цел памет Трајче коцкарот ми се јави. Не ме личело, адвокат сум бил.“– Може ли да ме сослушаш?, го прашал тој, по што добил одговор:– Не – пишува познатиот адвокат

Коментари | пред 2 години

Довербата во судството кај нас е толку ниска, што најоправдана ослободителна за Силвија актеркава- кеш бил даден, коментира скопски адвокат

Актерката Силвија Стојановска која првично беше осудена на 3,5 години казна затвор, и самата се изненади кога судијата на повтореното судење и изрече ослободителна пресуда. За разлика од претходно, сега, судијата Огнен Ставрев не смета дека актерката учествувала во група која транспортирала 700 килограми кокаин.Јанаки Митровски на социјалните мрежи прокоментира во врска со овој случај.„Довербата во судството кај нас е толку ниска, што најоправдана ослободителна за Силвија актеркава- кеш бил даден. Тоа што таа е обвинета за помагање, а партнерот и за организирањње и доби 12 години затвор, нема врска. Таа дала кеш ама тој не дал. Супер логика“, вели Митровски.

Коментари | пред 3 години