Одлуката на Врховниот суд со која предметот за Стефче Јакимовски е вратен на повторно постапување носи промена и во однос на извршувањето на претходно изречената затворска санкција.
Кривичниот суд, по добиената одлука, ќе ја извести затворската установа дека Јакимовски не треба да продолжи со извршување на казната според претходната пресуда. Тој, според ова, нема да има обврска повторно да се врати во затвор за издржување на претходно изречената казна.
Јакимовски во моментов е на прекин на издржувањето на казната, што му бил одобрен од управата на затворот поради здравствени причини.
Со враќањето на предметот на повторно одлучување, надлежниот суд повторно ќе треба да постапува во случајот и да донесе нова одлука.
