Наставата во основните училишта на територијата на Општина Гази Баба секој понеделник ќе започнува со интонирање на македонската химна, објави градоначалникот Бобан Стефковски.
„Секој понеделник, наставата во основните училишта на територијата на Општина Гази Баба ќе започнува со интонирање на химната на Република Македонија“, напиша Стефковски на социјалните мрежи.
Тој посочи дека химната е симбол на слободата, државноста, историјата и жртвата на генерациите кои се бореле за самостојна и независна Македонија.
Според Стефковски, преку образованието, покрај знаењето, кај децата треба да се гради и почит кон татковината, националните симболи и вредностите што ги обединуваат граѓаните.
„Со оваа одлука градиме чувство на припадност, заедништво, достоинство и почит кон државата“, наведува градоначалникот.
