Студентското собрание се извини за говорите на министерката и ректорката, по револтот на студентите

Студентското собрание на УКИМ се извини за говорите на ректорката и министерката за образование на денешниот протест, што предизвика незадоволство кај дел од собраните студенти.

— реклама —

„Универзитетското студентско собрание при УКИМ испраќа јавно извинување до сите членови на академската заедница во однос на чинот на говори на денешниот настан. Ова е прва наша организација од овој тип и се молиме дека ќе биде последна. Ги прифаќаме сите критики за овој и секој нареден настан, а ние самите ги увидовме. Наредните собири нема да има никакви обраќања“, велат од Студенсткото собрание.

— реклама —

По протестот, рекација стигна од Студенски отпор, од кадешто истакнаа дека собирот не беше момент за политички пораки, туку за тивка почит кон загинатите и солидарност.

— реклама —

„Наместо 7-минутен молк и достоинствено оддавање на почит, како што бараа студентите, ректорката на УКИМ, Билјана Ангелова, и министерката за образование и наука, Весна Јаневска, одлучија да држат говори. Ова се случи и покрај јасниот притисок од студентите да не се користи ваков трагичен момент за говори и политичка самопромоција“, велат од Студентски отпор.

— реклама —

Повикаа идните комеморативни настани да се организираат со вистинска почит и достоинство, без политичка инструментализација.