Судир на две локомотиви кај Железничката станица во Велес, повреден машиновозач

Дваесет и седумгодишен машиновозач од Велес се здобил со телесна повреда при судир на две локомотиви што се случил во близина на Железничката станица во Велес.

— реклама —

Како што соопшти Министерството за внатрешни работи, случајот бил пријавен вчера околу 4 часот, откако од Ургентниот центар при ЈЗУ „Општа болница“ – Велес било известено дека кај нив бил донесен повредениот Т.Р. (27).

— реклама —

— реклама —

Според пријавеното, околу 3 часот, при преместување на влечни локомотиви од еден на друг колосек, една локомотива удрила во друга паркирана локомотива, во која се наоѓал машиновозачот Т.Р., кој притоа се здобил со телесна повреда.

— реклама —

Увид на местото на настанот извршила увидна екипа од СВР Велес.