Судир на три автомобили кај Другово, повредени осум лица меѓу кои и две деца

Едно лице е тешко, а седуммина се полесно повредени во сообраќајна несреќа што се случила на магистралниот пат Кичево–Охрид, во близина на селото Другово.

— реклама —

Според Министерството за внатрешни работи, несреќата била пријавена на 27 јули во 13:35 часот и во неа учествувале три патнички возила: „Фолксваген Тигуан“ со прилепски регистарски ознаки, управуван од Љ.М. (76) од Прилеп, „Фолксваген Голф“ со скопски регистарски ознаки, управуван од С.П. (41) од Скопје, и „Цитроен“ со кичевски регистарски ознаки, управуван од Р.Р. (48) од кичевското село Грешница.

— реклама —

Во несреќата со тешки телесни повреди се здобил сопатникот во „Цитроен“, С.Р. (79) од селото Грешница.

— реклама —

Со телесни повреди се здобиле тројцата возачи, како и нивните сопатници Г.Р. (45) од селото Грешница, Ц.М. (76) од Прилеп, М.П. (34) од Скопје и нејзините две малолетни деца. Повредите биле констатирани во Медицинскиот центар во Кичево.

— реклама —

Увид на местото на несреќата извршила увидна екипа на ОВР Кичево, а причините за несреќата се утврдуваат.