(Видео) Судир пред седиштето на СНС во Лазаревац, граѓаните извадиле палки од возило

Инцидент се случи пред седиштето на Српската напредна партија (СНС) во Лазаревац, Србија, откако граѓани забележале теренско возило полно со бејзбол-палки. Според извештаите, група мажи подоцна ги нападнала собраните граѓани, по што дошло до физичка пресметка.

— реклама —

Граѓаните пред партиските простории забележале бел теренец со отворен багажник, во кој имало поголем број палки, и веднаш ја повикале полицијата. На местото пристигнале и мобилни тимови на студентската листа.

— реклама —

View this post on Instagram

— реклама —

Кога пристигнала полицијата, мажите од теренецот се обиделе да избегаат, но насобраните им го попречиле патот. Набргу потоа пристигнал и автомобил „голф“ со новосадски регистарски таблички, од кој излегле мажи што ги нападнале граѓаните. По обидот на насобраните да се одбранат, избил физички судир.

Бидејќи полицијата не извршила увид веднаш, граѓаните самите ги скршиле стаклата на теренецот и ги извадиле палките. Ситуацијата во меѓувреме се смирила, но поголем број луѓе останале пред партиските простории, барајќи да се утврди одговорноста за инцидентот.