Сведочење за „Пулс“: Јавна тајна е дека газдата Деко имал заштита од полиција и инспекции

На судењето за пожарот во дискотеката Пулс денеска беше прочитан исказот на сведокот на обвинителството, Ана Томева, која поради психичката состојба не можела лично да сведочи пред судот.

Во нејзиниот исказ било наведено дека сопственикот Дејан Јованов – Деко наводно имал заштита од лица во полицијата и инспекциските служби.

— реклама —

„Јавна тајна е дека Дејан Јованов Деко има заштита од луѓе во полиција и инспекциите“, стои во прочитаниот исказ.

Томева сведочела дека работела и во кафулето „Класик“ и во дискотеката, без да биде пријавена, а платата ја добивала во готово. Според неа, фискалните сметки биле заменувани со нелегална документација која интерно ја нарекувале „црни пари“.

— реклама —

Таа посочила и дека вработените немале никаква обука за противпожарна заштита и спасување, ниту знаеле каде се наоѓаат противпожарните апарати.

— реклама —

Во сведочењето било наведено и дека при најавени инспекциски контроли, дел од вработените и присутните се претставувале како гости за да се прикрие реалната состојба во локалот.

Друг сведок, Лина Крстева, која често била гостин во дискотеката, изјавила дека за време на пожарот немало лица кои ги насочувале или им помагале на присутните.

— реклама —

„Видов еден полицаец кој само стоеше и не ни помагаше“, сведочела Крстева.

По читањето на исказите, во судницата биле презентирани и материјални докази, меѓу кои и видеоснимки од пожарот со вознемирувачка содржина.