„Талогот на СДС ако сака да знае зошто има помалку ученици во прво одделение годинава треба да погледне шест години наназад кога токму тие беа власт“, вели ВМРО-ДПМНЕ

ВМРО-ДПМНЕ преку соопштение реагира на денешните обвинувања од СДСМ за намалениот број ученици во прво одделение, посочувајќи дека причините треба да се бараат во периодот кога СДСМ беше на власт.

— реклама —

Од партијата велат дека претседателот на СДСМ, Венко Филипче, доколку сака одговор за намалениот број првачиња, треба да се наврати шест години наназад, кога тој беше министер во Владата предводена од Зоран Заев.

„Намалениот број ученици во прво одделение годинава е резултат на, благо кажано, лошите политики на Владата на СДС предводена од Зоран Заев, во која Филипче беше министер“, наведуваат од ВМРО-ДПМНЕ.

— реклама —

Од партијата оценуваат дека демографските движења и иселувањето се главните причини за намалувањето на бројот на ученици. Според нив, демографијата учествува со околу 90 отсто во овој тренд, додека иселувањето дополнително влијае врз бројот на запишани првачиња.

— реклама —

ВМРО-ДПМНЕ посочува дека Владата презема мерки за подобрување на животниот стандард и условите за живот, но додава дека ваквите процеси не можат да се променат за само две години.

Како пример ја наведуваат мерката за намалување на цените на училишниот прибор, која, како што велат, се спроведува трета година по ред.

— реклама —

„За две години чуда не се прават. Во овој период Владата носи посебни мерки и активно работи на подобар животен стандард и поквалитетна животна средина“, велат од ВМРО-ДПМНЕ.