Танкерот што вчера беше нападнат во близина на Ормускиот теснец бил погоден со ракета додека излегувал од теснецот покрај брегот на Оман, соопшти Британскиот центар за поморски трговски операции (УКМТО).
Според соопштението, нападот се случил вчера, а информациите се базираат на податоци од воените власти. Надлежните служби во моментов го истражуваат инцидентот.
Вчера беше објавено дека ирански ракети погодиле два брода во Ормускиот теснец, во близина на Оман. Засега не е познато дали најновото соопштение на УКМТО се однесува на истиот напад или на друг, досега непознат инцидент.
