Лидерот на СНСД, Милорад Додик, изјави дека Република Српска претставува гаранција дека страдањата на српскиот народ никогаш повеќе нема да се повторат, по повод одбележувањето на жртвите од логорот Јасеновац.
„Денес, кога се сеќаваме на страдањата во Јасеновац, стоиме мирно пред вистината и пред жртвите кои никогаш не смеат да бидат заборавени. Република Српска е гаранција дека страдањата на српскиот народ повеќе нема да се повторат. Наша должност е да паметиме, да чуваме и да бидеме единствени“, напиша Додик на социјалната мрежа Икс.
Во Република Српска денеска е Ден на жалост, во спомен на жртвите од усташкиот логор Јасеновац и стратиштето Доња Градина, каде во периодот од 1941 до 1945 година биле убиени десетици илјади луѓе.
Во одделна изјава, Додик упати остри критики кон министерот за надворешни работи на Босна и Херцеговина, Елмедин Конаковиќ, оценувајќи дека претседателот на Србија, Александар Вучиќ, направил повеќе за народите во БиХ отколку што, како што рече, Конаковиќ „може да вети и излаже“.
„Конаковиќ е толку небитен што не вреди да се трошат зборови за него, но скандалите што ги прави не може да се премолчат. Кога го споменува името на претседателот на Србија, треба да стане“, наведе Додик.
