Тешка несреќа кај Градско: Повредени девет лица, две со тешки повреди

Две лица се здобиле со тешки телесни повреди, а уште седуммина се повредени во сообраќајна несреќа што се случила на експресниот пат Градско – Прилеп, во близина на Градско, соопшти Министерството за внатрешни работи.

— реклама —

Несреќата била пријавена на 30 јули околу 08:20 часот, а во неа учествувале патничко возило „ауди“ со битолски регистарски ознаки, управувано од 44-годишната А.Д. од Битола и патничко возило „хјундаи“ со скопски регистарски ознаки, управувано од 48-годишниот Д.Ѓ. од Скопје.

— реклама —

Со тешки телесни повреди се здобиле возачот на „хјундаи“ и неговата сопатничка О.Г. (45) од Скопје. Телесни повреди добиле и сопатничките во истото возило, С.Д. (50) и С.П.П. (42), двете од Скопје.

— реклама —

Повредени се и возачката на „ауди“, како и нејзините сопатници М.Д. (18), А.М. (18) и двајца 17-годишници, сите од Битола.

— реклама —

Повредите биле констатирани во Општата болница во Велес. За настанот бил известен јавен обвинител, а увид на местото извршила увидна екипа од СВР Велес.