Повеќе лица загинале во судир меѓу воз и училишен автобус во белгискиот град Бугенхаут, меѓу Антверпен и Брисел.
Белгиската полиција ги истражува околностите под кои дошло до несреќата, а околу 100 патници од возот биле евакуирани и згрижени по судирот што се случил утрово.
Во училишниот автобус имало седум деца и едно возрасно лице. Според белгиските медиуми, возот бил на околу еден километар од станицата и веќе почнал да забавува во моментот на несреќата.
Во 8:08 часот автобусот влегол на железничкиот премин, иако рампите биле спуштени, а семафорот покажувал црвено светло, што наводно се гледа и на снимките од надзорните камери.
„Не знаеме како можело да дојде до несреќата“, соопштиле надлежните, додавајќи дека истрагата е во тек.
Бројот на загинати и повредени засега не е официјално потврден.
