Тешка сообраќајка на скопската обиколница: повеќе повредени кај клучка Приштина

Повеќе лица се повредени, од кои двајца потешко, во сообраќајна несреќа што се случила вчера попладне на скопската обиколница, кај клучка Приштина.

Според информациите од Министерството за внатрешни работи, несреќата се случила на 26.04.2026 година околу 14:00 часот, помеѓу патничко возило „бмв“ со скопски регистарски ознаки, управувано од Е.А.(23) од Скопје и патничко возило „мерцедес“ со скопски регистарски ознаки, управувано од Ф.Ќ.(22) од село Грчец.

— реклама —

Во судирот, со тешки телесни повреди се здобиле сопатникот од возилото „бмв“, Ф.М., како и сопатничката од возилото „мерцедес“, Е.Б.(23).

— реклама —

„Во несреќата со тешки телесни повреди се здобиле сопатникот од патничкото возило „бмв“, Ф.М. и сопатничката од патничкото возило „мерцедес“ Е.Б.(23)“, информираат од МВР.

Со телесни повреди се здобиле и возачката на „бмв“, Е.А.(23), како и останатите сопатници Ф.Х.(21) од село Кондово, З.И.(22) од Скопје, како и Џ.Ф.(22) и Б.А.(18), двете од село Раовиќ.

— реклама —

„Со телесни повреди 23-годишната Е.А. и другите сопатници Ф.Х.(21) од с.Кондово, З.И.(22) од Скопје и Џ.Ф.(22) и Б.А.(18), двете од с.Раовиќ, констатирани во Комплекс клиники „Мајка Тереза“ Скопје и Јавна здравствена установа „Св.Наум Охридски“ Скопје“, информираат од МВР.

— реклама —

Повредените биле пренесени и згрижени во Комплекс клиники „Мајка Тереза“ и во болницата „Св. Наум Охридски“ во Скопје.

На местото на несреќата извршен е увид од увидна екипа на СВР Скопје, а се преземаат мерки за утврдување на причините за сообраќајката.