Мотоциклист е тешко повреден во сообраќајна несреќа што вчера претпладне се случила на крстосницата меѓу регионалниот пат Скопје–Тетово и сервисната улица што води кон селото Глумово, информира Министерството за внатрешни работи.
Според МВР, несреќата била пријавена во 11:20 часот, а во неа учествувале патничко возило „рено“ со скопски регистарски ознаки, управувано од Б.П. (59) од селото Шишево, и мотоцикл „хонда“ со скопски регистарски ознаки, управуван од К.Х. (46) од Скопје.
Во судирот, мотоциклистот се здобил со тешки телесни повреди, кои биле констатирани во Ургентниот центар при Комплексот клиники „Мајка Тереза“ во Скопје.
Увид на местото на несреќата извршила увидна екипа на СВР Скопје, а причините за сообраќајната несреќа се утврдуваат.
