Триесет и петгодишен жител на Прилеп се здобил со тешки телесни повреди откако со автомобил излетал од коловозот на регионалниот пат Лагово–Витолиште, во близина на селото Штавица.
Како што информира Министерството за внатрешни работи, несреќата се случила на 22 јули во 15:25 часот, кога патничко возило „цитроен“ со прилепски регистарски ознаки, управувано од Г.П. (35) од Прилеп, излетало од коловозот.
Во несреќата возачот се здобил со тешки телесни повреди, кои биле констатирани во Општата болница во Прилеп.
Увид на местото на несреќата извршила увидна екипа од ОВР Прилеп.
