Тешко повредена жена во струшко, паднала и се удрила во товарно возило

Седумдесет и тригодишна жителка на Струга е тешко повредена во инцидент што се случил во населбата Плитишта, информираат од Министерството за внатрешни работи.

— реклама —

Според пријавата, на 2 јуни 2026 година околу 13 часот во ОВР Струга од Специјалната болница „Свети Еразмо“ во Охрид било пријавено дека кај нив на лекување е донесена С.С. (73) од Струга со тешки телесни повреди.

— реклама —

— реклама —

Според првичните информации, жената се движела низ населбата Плитишта кога во еден момент изгубила свест, паднала и се удрила во товарно возило „Ивеко“ со струшки регистарски ознаки, управувано од И.И. (40) од селото Радолишта.

На местото на настанот увид извршила увидна екипа од ОВР Струга, а надлежните служби ги утврдуваат сите околности поврзани со случајот.