Тетовец го удирал татко му со тупаници по главата и телото

Основното јавно обвинителство Тетово поведе постапка против 32-годишен маж осомничен дека при вршење семејно насилство сторил кривични дела „Телесна повреда“ и „Загрозување на сигурноста“.

— реклама —

Според Обвинителството, на 19 јули во семејниот дом во Тетово, осомничениот физички го нападнал својот татко, удирајќи го со тупаници по главата и телото.

— реклама —

— реклама —

Откако оштетениот успеал да избега и да се засолни во друга просторија, осомничениот продолжил да му се заканува дека ќе го убие.

— реклама —

Во врска со случајот, јавниот обвинител до надлежниот суд доставил предлог за определување мерки на претпазливост за осомничениот. Предложени се забрана за напуштање на живеалиштето или престојувалиштето, обврска за редовно јавување во суд, привремено одземање на патната исправа, како и забрана за приближување и воспоставување контакт со оштетениот.