Премиерот Христијан Мицкоски на денешната прес-конференција уверува дека најавената инвестиција во индустриската зона во Тетово ќе се реализира и дека производството ќе започне до крајот на септември, нагласувајќи дека зад оваа најава стои со целиот свој кредибилитет.
Одговарајќи на новинарско прашање поврзано со претходно најавуваната, но нереализирана инвестиција за производство на електрични возила во Тетово од претходната влада, Мицкоски истакна дека граѓаните не треба да имаат дилеми околу овој проект.
„Со сиот свој кредибилитет гарантирам дека официјалниот старт на производството ќе започне некаде кон крајот на септември. И сето она што денеска на прес-конференцијата го кажавме – обемот на инвестицијата, бројот на вработени – сето тоа ќе се случи. Договорот е поминат“, изјави Мицкоски.
Тој додаде дека договорот за владина поддршка веќе е усвоен на седница на Владата.
„Договорот за помош од страна на Владата е поминат на владина седница, така што апсолутно да нема никој дилема. Разликата помеѓу ‘марихуана влада’, односно владата на СДСМ и ДУИ, и оваа влада е голема. Тоа го покажуваат делата: тие зборуваа, а ние испорачуваме“, рече премиерот.
Осврнувајќи се на можноста за нови инвестиции од Турција по неодамнешната посета и средбата со турскиот претседател Реџеп Таип Ердоган, Мицкоски најави дека во наредниот период очекува да се реализираат повеќе проекти.
„Во периодот што следи, очекувам неколку десетици такви потенцијални инвестиции да се операционализираат“, истакна тој.
Според премиерот, претседателот Ердоган лично изразил подготвеност да придонесе за поголемо присуство на турски инвеститори во земјава.
„Претседателот Ердоган лично ми кажа дека ќе се заложи за што поголем број турски инвеститори да дојдат кај нас овде во Македонија. А нашата задача како држава, како македонска економија, е сето тоа да го препознаеме и да отвориме нови работни места, а оние што се надвор од државата да се обидеме преку добро платените, ново креирани работни места да ги вратиме дома“, порача Мицкоски.
По неуспешниот проект на Груби и Дестани, во ТИРЗ Тетово оди Мицкоски со нов инвеститор: ќе се вложат 20 милиони евра, а ќе се отворат 412 работни места
Премиерот Христијан Мицкоски денеска објави нова странска инвестиција во Технолошко-индустриската развојна зона Тетово, каде што компанијата „Џаво Аутомотив“ ќе инвестира околу 20 милиони евра и ќе отвори до 412 нови работни места.Според најавата, компанијата е глобален производител за автомобилската индустрија со повеќе од 40 години искуство, а од производствениот капацитет во Тетово ќе се изработуваат автомобилски компоненти за светски познати брендови. Во полн капацитет, извозот на компанијат
Македонија | пред 3 месеци
