Двајца тинејџери се уапсени под сомнение дека се вмешани во убиството на 17-годишно момче, кое беше смртно избодено во парк во британскиот град Лутон.
Полицијата соопшти дека до инцидентот дошло вчера околу 18:30 часот во паркот „Kingsway Recreation Ground“, откако добила пријава за тепачка. На местото на настанот биле забележани неколку тинејџери кои носеле големи ножеви.
Во нападот, 17-годишното момче се здобило со повеќе убодни рани. Тоа било пренесено во болница, но подоцна им подлегнало на повредите.
Двајцата осомничени, кои првично биле приведени поради учество во насилниот инцидент, сега се товарат и за убиство. Едниот од нив се наоѓа во болница со тешки, но не и животозагрозувачки повреди.
Идентитетот на жртвата засега не е објавен, а полицијата соопшти дека на семејството му е обезбедена соодветна поддршка.
Од полицијата информираа дека е зголемено присуството на полициски патроли во областа и упатија апел до граѓаните да не споделуваат снимки и фотографии од инцидентот, бидејќи тоа дополнително го вознемирува семејството на жртвата и може да ја попречи истрагата.
