Истакнатиот македонски актер Тони Михајловски е годинашен лауреат на Меѓународниот театарски фестивал „Св. Јоаким Осоговски“.
По тој повод, градоначалникот на Општина Крива Паланка, Сашко Митовски, приреди прием за актерот во својот кабинет, а на свеченоста во големата сала на Општината денеска му беше врачено признанието за лауреат за 2026 година.
Од Општина Крива Паланка посочуваат дека признанието му е доделено на Михајловски за неговиот актерски талент, повеќедецениската посветеност и придонесот во македонската култура.
Од Општината му упатија честитки на актерот, со желби за уште многу успешни улоги и нови успеси.
