„Тошковски ќе ги презентира информациите за водата, министерот за полиција, а не за здравство“, вели СДСМ

СДСМ преку соопштение реагира дека најновите информации за состојбата со водата во Гостивар денеска ќе ги презентира министерот за внатрешни работи Панче Тошковски, а не ресорните институции задолжени за здравството, животната средина или водоснабдувањето.

— реклама —

Од партијата посочуваат дека премиерот Христијан Мицкоски вчера најавил оти од денеска жителите на Гостивар треба да добијат технички исправна вода и прашуваат зошто за ова прашање информира Министерството за внатрешни работи.

— реклама —

Во соопштението се наведува дека Тошковски претходно најавил хиперхлорирање на водоводната мрежа, при што СДСМ оценува дека јавноста очекува одговори од институциите кои се директно надлежни за здравствената безбедност на водата.

— реклама —

Партијата се осврнува и на, како што наведува, претходните ветувања на Владата, оценувајќи дека јавноста очекува конкретни резултати.

— реклама —

„Денес ќе видиме дали водата е технички исправна, како што беше најавено“, наведуваат од СДСМ, поставувајќи прашање дали граѓаните можат да имаат доверба во уверувањата на Владата за состојбата со водоснабдувањето во Гостивар.