Траект се запали кај Индонезија: Еден загинат, во тек потрага по исчезнати патници

Едно лице загина, а 172 патници се евакуирани откако траектот „KM Putri Jasmin“ се запалил во водите кај индонезискиот остров Ломбок, при враќањето од туристичкиот остров Бали.

— реклама —

Шефот на локалната спасувачка служба, Мухамед Харијади, за „Ројтерс“ изјавил дека спасувачките екипи продолжуваат со потрагата по патници за кои сè уште нема информации.

— реклама —

— реклама —

Засега не е познато како избил пожарот, ниту колку лица се водат како исчезнати. Спасувачките служби распоредиле повеќе чамци за евакуација и координација на операцијата околу местото на инцидентот.

Меѓу евакуираните патници има еден Австралиец, додека останатите се државјани на Индонезија.