Околу 13:30 часот полицијата примила пријава за пукање во Глинско подрачје во Хрватска, по што полициски екипи излегле на местото на настанот. Таму било пронајдено мртво тело на жена, додека повреден маж бил пренесен со возило на Итна медицинска помош во здравствена установа, соопшти полицијата од Сисачко-мославинска жупанија.
На местото на настанот увидот го раководи заменичката на жупаниската државна обвинителка во Сисак, додека истражителите продолжуваат со криминалистичко испитување за да ги утврдат сите околности.
Според неофицијални информации на „Јутарњи лист“, сопругот С.Ш. ја убил сопругата К.К. Има извештаи дека тој бил пренесен на лекување, но тоа сè уште не е официјално потврдено.
