Трамп: Франција гори! Затворете ги границите пред да биде предоцна

Американскиот претседател Доналд Трамп ги коментираше насилните протести во Франција, повикувајќи ги француските власти да ги затворат границите и да ја преземат контролата врз ситуацијата.

— реклама —

„Франција гори!“, напиша Трамп на социјалната мрежа Truth Social, поврзувајќи ги немирите со имиграцијата и предупредувајќи дека властите треба да реагираат пред да биде предоцна.

— реклама —

Протестите, кои започнаа поради високите животни трошоци и лошата состојба на јавните услуги, прераснаа во насилни судири во повеќе француски градови. Приведени се најмалку 1.800 лица, а според властите, на демонстрациите учествувале околу 550.000 луѓе. Повеќе од 500 полицајци, жандарми и пожарникари биле повредени.

Францускиот претседател Емануел Макрон најави обраќање до нацијата во 20 часот, по итен состанок со највисоките државни функционери. Тој претходно порача дека лицата одговорни за нападите, грабежите и уништувањето ќе бидат изведени пред лицето на правдата.

— реклама —

Во Лимож, пожар ја зафатил историската градска куќа од 19 век, при што се урнал покривот, а голема материјална штета е забележана и во Париз. Протестите започнале поради лошите услови во училиштата и недостигот од наставници, но постепено прераснале во пошироко движење против нееднаквоста и падот на животниот стандард.

Немирите предизвикаа и политички судири во Франција, во пресрет на претседателските избори следната пролет. Лидерката на десницата Марин Ле Пен го критикуваше левичарскиот политичар Жан-Лик Меланшон, обвинувајќи ги насилните групи дека ги компромитирале протестите за подобар животен стандард.