Трамп: Израел никогаш не би употребил нуклеарно оружје против Иран

Американскиот претседател Доналд Трамп изјави дека не верува оти Израел би употребил нуклеарно оружје во евентуален конфликт со Иран, и покрај тоа што оваа држава никогаш официјално не признала дека поседува таков арсенал.

— реклама —

Во изјава за новинарите, Трамп беше запрашан за ставовите на неговиот советник Дејвид Сакс, кој во еден подкаст изнел претпоставка дека Израел би можел да ја ескалира војната и да размисли за употреба на нуклеарно оружје. Трамп на тоа одговори дека такво сценарио е малку веројатно.

— реклама —

„Израел тоа не би го направил. Израел никогаш не би го направил“, изјави Трамп.

— реклама —

Израел со години води политика на намерна нејасност кога станува збор за неговата нуклеарна програма, избегнувајќи директна потврда или негирање на постоењето на нуклеарно оружје. Високи израелски претставници во повеќе наврати истакнале дека земјата нема да биде првата на Блискиот Исток што ќе употреби нуклеарно оружје.

— реклама —

Според проценките на Меѓународниот институт за истражување на мирот во Стокхолм, Израел располага со околу 90 нуклеарни боеви глави.