Трамп ја нападна Норвешка затоа што не ја доби Нобеловата награда за мир: „Стана ужасна земја“

Американскиот претседател Доналд Трамп упати остри критики кон Норвешка на предизборен собир во Мичиген, изразувајќи го повторно незадоволството што годинава не ја доби Нобеловата награда за мир.

— реклама —

Обраќајќи им се на присутните во салата „Меккормик плејс арена“ во Порт Хјурон, Трамп повтори дека, според него, запрел осум војни. Тој откри и дека една недела пред објавувањето на добитникот ѝ кажал на сопругата Меланија дека би му била голема чест да ја добие наградата.

Трамп повторно ја критикуваше овогодишната добитничка на Нобеловата награда за мир, адвокатката за човекови права Нави Пилеј, нарекувајќи ја „жена за која никој никогаш не слушнал“. Потоа ја нападна и Норвешка, оценувајќи дека земјата станала „ужасна“.

— реклама —

Американскиот претседател порача дека би прифатил имигранти од Данска, но дека не сака луѓе од Норвешка и не сака да има никаква врска со земјата поради тоа што не ја добил наградата.

— реклама —

Норвешката влада повеќепати нагласила дека Нобеловиот комитет работи независно и дека државата нема улога во изборот на добитниците.

Претходно, по објавувањето дека Нави Пилеј ја добила наградата, Трамп на социјалната мрежа „Трут соушл“ ја оспори одлуката, тврдејќи дека заслужил осум Нобелови награди за мир, а не само една. Тој ја нарече одлуката „неизбришлива дамка на Норвешка“ и порача дека нема да биде заборавена.