Трамп најави царини од 25% за автомобили и камиони од ЕУ

Американскиот претседател Доналд Трамп најави дека неговата администрација веќе следната недела ќе ги зголеми царините за автомобили и камиони од Европската Унија на 25 отсто, обвинувајќи го Брисел дека не го почитува претходно договорениот трговски договор.

— реклама —

Станува збор за нов потег, кој би можел дополнително да ги заостри трговските односи меѓу САД и ЕУ, особено во автомобилскиот сектор.

— реклама —

— реклама —

Во својата објава, Трамп наведе дека договорот јасно предвидува оти нема да има царини за возила произведени во фабрики во САД. Тој додаде дека во моментов се градат голем број фабрики за автомобили и камиони, со инвестиции поголеми од 100 милијарди долари, што, како што рече, претставува историски рекорд.

— реклама —

Трамп порача дека тие фабрики, во кои ќе работат американски работници, наскоро ќе бидат отворени, нагласувајќи дека „никогаш досега не се случило нешто слично“ во американската индустрија.