Трамп најави крај на американското финансирање на Израел

Американскиот претседател Доналд Трамп изјави дека постигнал договор со израелскиот премиер Бенјамин Нетанјаху според кој САД до крајот на оваа година ќе престанат да му обезбедуваат финансиска помош на Израел.

Во интервју за „Фокс њуз“, Трамп посочи дека со Нетанјаху разговарале за годишната финансиска поддршка од четири милијарди долари и дека веќе се договориле таа да биде прекината.

— реклама —

„Кога станува збор за плаќањето на Израел, Биби Нетанјаху и јас постигнавме договор дека на Израел му даваме четири милијарди долари годишно, а пред неколку месеци се договоривме тоа да го прекинеме“, изјави Трамп.

Тој додаде дека прекинот на финансирањето треба да стапи во сила до крајот на годината, но нагласи дека Вашингтон и понатаму ќе му помогне на Израел доколку се појави потреба.

— реклама —

„Сега ќе му помогнеме на Израел ако му биде потребна помош“, рече американскиот претседател.

— реклама —

САД со децении му обезбедуваат финансиска и воена помош на Израел

Според објавените податоци, САД од 1946 година досега му обезбедиле на Израел вкупно околу 175 милијарди долари помош, од кои најголемиот дел бил наменет за воена поддршка.

— реклама —

Според актуелниот десетгодишен договор за периодот од 2019 до 2028 година, американската помош изнесува 3,8 милијарди долари годишно. Од нив, 3,3 милијарди долари се наменети за воена помош, а 500 милиони долари за противракетна одбрана.

Трамп во интервјуто се осврна и на Иран, оценувајќи дека станува збор за главен спонзор на тероризмот во светот. Тој зборуваше и за американските напади врз ирански цели во Ормускиот Теснец.