Трамп назначи специјален пратеник за прашања поврзани со затвореници

Американскиот претседател Доналд Трамп денеска објави дека адвокатот и досегашен специјален пратеник за Белорусија, Џон Коул, ќе биде негов нов специјален претседателски пратеник за прашања поврзани со затвореници.

— реклама —

Коул повеќе од една година преговара со властите во Минск, а минатиот месец белорускиот претседател Александар Лукашенко помилува 15 затвореници по разговорите со американскиот пратеник.

— реклама —

Трамп на својата социјална мрежа „Truth Social“ наведе дека Коул во текот на изминатата година помогнал за враќање на повеќе од 65 Американци и граѓани на сојузнички земји од Белорусија.

Според Трамп, Коул исто така договорил ослободување на повеќе од 800 политички затвореници од неколку земји во Источна Европа.

— реклама —

Коул на новата функција ќе го замени Адам Булер, за кого Трамп наведе дека помогнал да бидат вратени 196 заложници.

Булер, кој во август помогнал во ослободувањето на поранешен американски маринец од Русија, ќе продолжи да работи на други прашања како висок советник.