Трамп: Она што се случи во Шпанија може да ѝ се случи и на Америка

Американскиот претседател Доналд Трамп изјави дека САД би можеле да се соочат со мигрантски бран сличен на оној во шпанската енклава Сеута доколку Републиканската партија не победи на претстојните избори за Конгрес во ноември.

— реклама —

За време на седница на кабинетот, Трамп оцени дека случувањата во Шпанија претставуваат предупредување за американските гласачи.

— реклама —

„Ја гледав Шпанија и катастрофата што се случи. Изгледаше како стотици илјади луѓе да вршат инвазија врз една земја. Истото ќе ни се случи и нам ако републиканците не бидат избрани. Само ќе биде полошо и во многу поголеми размери“, изјави Трамп, пренесува NBC News.

— реклама —

Тој ги обвини „слабите закони и лошото управување“ на владата на шпанскиот премиер Педро Санчез за мигрантската криза во Сеута.

— реклама —

Изјавата на Трамп доаѓа откако шпанските власти соопштија дека најмалку 57 мигранти загинале при обид да стигнат до Сеута, додека десетици илјади се обиделе нелегално да влезат на шпанска територија.