Трамп отворено застана зад Нетанјаху пред изборите во Израел

Американскиот претседател Доналд Трамп јавно ја изрази својата поддршка за израелскиот премиер Бенјамин Нетанјаху пред претстојните парламентарни избори во Израел, оценувајќи го како силен и храбар лидер.

— реклама —

„Биби Нетанјаху беше силен, храбар и брилијантен кога се соочи со огромен отпор, вклучително и оној што доаѓаше од самиот Израел“, напиша Трамп на платформата Трут соушл.

— реклама —

Тој додаде дека токму таков партнер САД очекуваат од Израел и нагласи дека неговата поддршка за Нетанјаху е целосна и безрезервна во трката за нов премиерски мандат.

— реклама —

Изборите во Израел се закажани за 27 октомври и ќе бидат први по нападот на Хамас на 7 октомври 2023 година, кој ја потресе земјата и го вовлече Блискиот Исток во серија воени судири. Израел во тој период војуваше во Газа, Либан и Иран.

Изборниот исход ќе покаже дали Нетанјаху ќе остане на власт по едно од најзначајните раздобја во израелската историја или ќе биде поразен од центристичките противници, кои ветуваат почеток на нова ера.