Трамп размислува за укинување на санкциите за рускиот инвестициски фонд

Администрацијата на американскиот претседател Доналд Трамп разгледува можност за укинување на санкциите против Рускиот фонд за директни инвестиции (РФДИ), објави „Њујорк тајмс“. Според весникот, оваа опција е дел од напорите за подобрување на односите меѓу САД и Русија и за придонес кон завршување на војната во Украина.

— реклама —

Неименуван извор оценил дека директорот на фондот, Кирил Дмитриев, кој е и специјален претставник на рускиот претседател за инвестициска и економска соработка со странство, е корисен посредник за американските преговарачи во разговорите за завршување на војната. За фондот да биде отстранет од списокот со санкции, ќе треба да докаже дека повеќе не постојат причините поради кои биле воведени ограничувањата.

— реклама —

— реклама —

На 9 октомври Трамп соопшти дека постигнал договор со рускиот претседател Владимир Путин за испорака на руско дизел-гориво на американскиот и светскиот пазар. Истиот ден, американското Министерство за финансии издаде општо одобрение за трансакции поврзани со руското дизел-гориво, кое важи до април следната година.

Подоцна се појавија информации дека Рускиот фонд за директни инвестиции бил вклучен во спроведувањето на договорот, на барање на американското Министерство за финансии.