Трамп со вулгарна порака до Мадуро: „Не сака да се игра ... со нас“

Состанокот на американскиот претседател Доналд Трамп и украинскиот лидер Володимир Зеленски заврши со изненадувачка и вулгарна изјава која не беше поврзана со Украина, туку со венецуеланскиот претседател Николас Мадуро.

— реклама —

Откако новинарите го прашаа за најновите пораки од Каракас, каде Мадуро повика на „мир и нов почеток“ во односите со Вашингтон, Трамп одговори дека венецуеланскиот лидер „понудил сè“ за да избегне конфронтација.

— реклама —

„Понуди сè. Да, во право сте. Знаете зошто? Затоа што не сака да се заеава со нас**“, изјави Трамп, предизвикувајќи реакции и насмевки во салата.

— реклама —

Изјавата доаѓа откако Трамп ја овласти ЦИА да спроведува тајни операции во Венецуела, што, според медиумите, предизвика нервоза во режимот на Мадуро. Американските разузнавачки активности се насочени кон ограничување на шверцот на нафта и оружје, како и кон поткопување на влијанието на руски и ирански структури во земјата.

— реклама —

Иако Вашингтон досега избегнуваше директна воена конфронтација со Каракас, новата политика на Трамп ја заострува реториката и сигнализира дека САД ќе применат поцврст пристап кон венецуеланскиот режим, кој веќе со години е под западни санкции.