Трамп тврдеше дека Иран соборил американски хеликоптер, ЦЕНТКОМ: Причината за падот сè уште се истражува

Американското Централно заповедништво (CENTCOM) соопшти дека причините за падот на воениот хеликоптер „AH-64 Apache“ во близина на брегот на Оман сè уште се предмет на истрага, иако претседателот на САД, Доналд Трамп, претходно изјави дека леталото било соборено од Иран.

— реклама —

Во објава на платформата Икс, CENTCOM наведе дека спасувачката операција започнала во 19:33 часот по источноамериканско време во понеделникот, односно во раните утрински часови во вторникот по локално време.

— реклама —

Според американската војска, хеликоптерот се урнал додека патролирал во регионалните води, а причините за несреќата допрва ќе се утврдуваат.

— реклама —

Двајцата членови на екипажот биле успешно спасени во рок од околу два часа по падот на леталото и се наоѓаат во стабилна здравствена состојба.

— реклама —

Претходно, Трамп изјави дека Иран стои зад соборувањето на американскиот хеликоптер, но засега нема официјална потврда од американските воени власти за такво тврдење.