Трамп: Верувајте ми, Путин сака војната да заврши

Американскиот претседател Доналд Трамп изјави дека е оптимист бидејќи војната во Украина се приближува кон крај, по телефонскиот разговор што го имал со рускиот претседател Владимир Путин.

— реклама —

„Разговорите за завршување на војната се многу поблиску отколку што луѓето мислат“, изјави Трамп за време на настан во Белата куќа.

Тој рече дека телефонскиот разговор со Путин бил многу добар и додаде дека, според него, и рускиот претседател сака конфликтот да заврши.

— реклама —

„Претседателот Путин исто така сака ова да заврши. Верувајте ми кога ви го кажувам тоа. Разговорот беше добар. А претседателот Зеленски сака војната да заврши веднаш“, рече Трамп.

— реклама —

Во пресрет на Самитот на НАТО, кој започнува утре во Анкара, американскиот претседател изрази уверување дека разговорите ќе продолжат и во рамки на Алијансата.

„Мислам дека се приближуваме до крајот. Ќе разговараме за тоа на Самитот на НАТО и мислам дека ќе успееме. Верувам дека ќе ја завршиме оваа војна“, изјави Трамп.

Русија ја започна инвазијата врз Украина во февруари 2022 година, а борбите продолжуваат, проследени со нови руски ракетни напади и украински удари врз цели на руска територија.