Три лица го загубија животот во тешка сообраќајна несреќа на патот од граничниот премин Блаце кон Скопје, откако бил пронајден превртен автомобил „Мерцедес“ со германски регистарски ознаки.
Како што соопшти Министерството за внатрешни работи, случајот бил пријавен на 19 јули во 22:35 часот, по што полициски службеници од СВР Скопје веднаш излегле на местото на настанот.
При увидот било утврдено дека во возилото се наоѓаат три починати лица – еден маж и две жени. Лекар од Итната медицинска помош констатирал смрт на сите три лица.
Според информациите од МВР, претходно истиот ден, во 13:40 часот, државјанин на Косово во Полициската станица Бит Пазар пријавил дека три лица се исчезнати. Тој навел дека последен пат стапил во контакт со нив на 18 јули околу 22:15 часот, кога се наоѓале на Меѓународниот аеродром Скопје.
За околностите на несреќата се преземаат мерки, а истрагата е во тек.
