„Три пати пониска инфлација денес за разлика од времето на СДС, зошто талогот на економски експерти од СДС не го сподели овој податок?“, вели ВМРО-ДПМНЕ

ВМРО-ДПМНЕ преку соопштение реагира дека годишната инфлација во јули изнесувала 2,3 отсто, што, според партијата, е значително пониско ниво во споредба со периодот кога со економските политики управуваше СДСМ.

— реклама —

Од партијата посочуваат дека просечната инфлација во Европската Унија изнесува 2,9 отсто, додека во земјава во јули се бележи и намалување на малопродажните цени од 1,8 отсто.

ВМРО-ДПМНЕ ги споредува и месечните податоци за годинава. Според нив, инфлацијата во март изнесувала 4,9 отсто, во април 5,7, во мај 4,8, во јуни 3,4, а во јули паднала на 2,3 отсто.

— реклама —

Од априлскиот максимум до јули, како што наведуваат, годишната инфлација се намалила за 3,4 процентни поени, односно за близу 60 отсто. Кај прехранбените производи, поскапувањето од 5,6 отсто во мај се намалило на 1,8 отсто во јули.

— реклама —

Од ВМРО-ДПМНЕ прават споредба и со периодот од март до јули 2022 година. Тогаш просечната инфлација, според партијата, изнесувала 12,34 отсто, а растот на малопродажните цени 12,1 отсто. Во истиот период годинава, просекот изнесува 4,22 отсто за инфлацијата и 3,88 отсто за малопродажните цени.

Партијата оценува дека комбинацијата од пониска инфлација, раст на извозот и производството и намалена невработеност претставува показател за, како што велат, доследноста на економските политики на Владата предводена од ВМРО-ДПМНЕ.

— реклама —

Од ВМРО-ДПМНЕ истовремено го обвинуваат СДСМ дека преку критиките за економската состојба се обидува да го наметне сопствениот политички наратив, посочувајќи ги разликите меѓу актуелните показатели и оние од периодот на нивното управување.