Три пожари регистрирани до 13 часот, два сè уште се активни

До 13:00 часот денеска во државата се регистрирани три пожари на отворен простор, од кои два се активни, а еден е ставен под контрола, соопшти Центарот за управување со кризи (ЦУК).

— реклама —

Активен е пожарот во Општина Новаци, покрај локалниот пат од селото Новаци кон месноста Ергела, во близина на фотоволтаичната електрана „Новаци“, каде што гори ниска вегетација.

— реклама —

Вториот активен пожар е во Општина Гостивар, покрај автопатот Тетово – Гостивар, во близина на селото Врбјаниште, каде што исто така е зафатена ниска вегетација.

— реклама —

Под контрола е пожарот во Општина Василево, кај селото Доброшинци, каде што горела депонија.

— реклама —

Од ЦУК информираат дека ја следат состојбата на терен и дека надлежните служби постапуваат по сите пријавени пожари.