Три пожари регистрирани до 13 часот, два се изгаснати, еден под контрола

До 13 часот денеска се регистрирани три пожари на отворен простор, соопшти Центарот за управување со кризи. Од нив, нема активни пожари, еден е под контрола, а два се целосно изгаснати.

— реклама —

Пожарот кој е под контрола е регистриран во атарот на селото Белица, на местото „Кајорец“, во Општина Македонски Брод, со проширување кон подрачјето на Јасен, во Општина Сопиште. Зафатена е нискостеблеста и мешана шума.

— реклама —

— реклама —

Во меѓувреме, изгаснати се два пожари. Едниот бил регистриран на депонијата „Краста“ во Општина Куманово, додека другиот избувнал на депонија во селото Габрово, Општина Струмица.

Според ЦУК, до 13 часот нема пријавено други активни пожари на отворен простор.