Турски државјанин е лишен од слобода на Граничниот премин Деве Баир откако при гранична контрола приложил фалсификувани зелени карти за товарно возило и полуприколка, соопшти Министерството за внатрешни работи.
Според МВР, на 21 јули во 15:50 часот, при влез во Македонија, полициски службеници го привеле Д.А. (37) од Турција. При контролата било утврдено дека на увид приложил фалсификувани зелени карти за товарно возило „мерцедес“ со полуприколка со турски национални ознаки, со кое пристигнал на граничниот премин.
За случајот е известен јавен обвинител, а по целосното документирање против турскиот државјанин ќе биде поднесена соодветна пријава.
